Աղվանքի բնակչի տանը խոշոր չափերի մարիխուանա է հայտնաբերվել․ Սյունիքի քրեական ոստիկանների բացահայտումը

Օգոստոսի 12-ին Քրեական ոստիկանության Սյունիքի մարզային վարչությունում տեղեկություններ էին ստացվել, որ Աղվանք գյուղի բնակիչ 34-ամյա տղամարդն իր տանը պահում է առանձնապես խոշոր չափերի թմրամիջոց։

Տեղեկությունն իրացվել է Համայնքային ոստիկանության Մեղրու բաժնի ծառայողների հետ։

Նախաձեռնվել է քրեական վարույթ, որի շրջանակներում տղամարդու տանը կատարված զննությամբ հայտնաբերվել է 27 գրամից ավելի մարիխուանա։

Հանգամանքները նախաքննությամբ պարզվում են։