Ատոմային Էներգիայի միջազգային գործակալության գլխավոր տնօրենի տեղակալն այցելել է Թեհրան, բանակցություններ վարել Իրանի պաշտոնյաների հետ՝ գործակալության հետ փոխգործակցության հարցերի շուրջ:
Իրանի փոխարտգործնախարար Քազեմ Ղարիբաբադին հայտնել է, որ հաշվի առնելով հանդիպման ընթացքում տեղի ունեցած քննարկումները՝ որոշվել է շարունակել խորհրդակցությունները:
Պաշտոնյան հավելել է, որ իրանական պատվիրակությունը խիստ քննադատություն և բողոք է հայտնել Իսրայելի և ԱՄՆ-ի հարձակման ընթացքում Գործակալության կողմից իր պարտականությունների չկատարման կապակցությամբ: Իրանական կողմը պատվիրակության ուշադրությունը հրավիրել է Թեհրանի պահանջների վրա՝ կապված Իրանի միջուկային ծրագրի հետ:
