Ռուսաստանի պաշտպանության նախարարությունը հայտնել է, որ Ուկրաինայի զինված ուժերն անօդաչու սարքերի միջոցով հարձակվել է երկրի սահմանային շրջանների, այդ թվում՝ Կրասնոդարի երկրամասի քաղաքների վրա: Հակաօդային պաշտպանության համակարգերը ոչնչացրել են 34 ուկրաինական անօդաչու սարք, որից 8-ը՝ Կրասնոդարի երկրամասի տարածքում:
Ժամանակավորապես փակվել են Սոչիի և Գելենջիկի օդանավակայանները, իսկ զբոսաշրջիկներին կոչ է արվել լքել Սոչիի լողափերը: Քաղաքապետ Անդրեյ Պրոշունինի խոսքով՝ վիրավորներ կամ զոհեր չկան:
Անվտանգության նկատառումներից ելնելով՝ փակվել է նաև Ռուսաստանի և Աբխազիայի միջև Պսոու գետի վրա գտնվող սահմանային անցակետը: Սահմանափակումներ են մտցվել հետիոտնային և տրանսպորտային անցակետերում:
