«Վարչապետ Ռոբերտ Գոլոբի նախաձեռնությամբ կառավարությունը հաստատել է Սլովենիայից Իսրայել զենքի և ռազմական տեխնիկայի արտահանման ու տարանցման, ինչպես նաև Իսրայելից Սլովենիա ներմուծման արգելքի մասին որոշումը», - հայտնել է սլովենական հեռուստատեսությունը:
Հեռուստաալիքը նշել է, որ Սլովենիան առաջին եվրոպական երկիրն է, որը նման որոշում է ընդունել։ Այն հաջորդում է Գոլոբի բազմիցս արված հայտարարություններին, որ եթե ԵՄ-ն մինչև հուլիսի կեսերը կոնկրետ միջոցներ չձեռնարկի Իսրայելի դեմ, Սլովենիան ինքնուրույն սահմանափակումներ կհաստատի։
Գոլոբը նաև հայտարարել է, որ առաջիկա շաբաթներին Սլովենիայի կառավարությունն ազգային մակարդակով մի շարք լրացուցիչ միջոցառումներ կպատրաստի Իսրայելի ներկայիս իշխանությունների դեմ, որոնց գործողությունները, ըստ Լյուբլյանայի, միջազգային մարդասիրական իրավունքի լուրջ խախտումներ են։
