Քելոգն Ուկրաինայում այցելել է ԱԹՍ-ների արտադրությամբ զբաղվող գործարաններ

Աշխատանքային այցով Կիև մեկնած ԱՄՆ նախագահի հատուկ բանագնաց Քիթ Քելոգն այցելել է անօդաչու թռչող սարքերի արտադրությամբ զբաղվող գործարաններ: Նա բարձր է գնահատել Ուկրաինայի նորարարական տեխնոլոգիաները և ընդգծել, որ Վաշինգտոնը պետք է ուշադրություն դարձնի դրանց։

Վոլոդիմիր Զելենսկին էլ հայտարարել է, որ Դոնալդ Թրամփն իր հետ հեռախոսազրույցում ցանկություն է հայտնել ուկրաինական անօդաչու թռչող սարքեր գնել: Ուկրաինայի նախագահը կրկնել է Հանրապետության երկինքը պաշտպանելու և այդ հարցում Վաշինգտոնի աջակցության կարևորությունը: