Ռազմավարական կարևոր նշանակության օբյեկտը կոպեկների դիմաց հանձնողները այսօր պայքարում են, որ այն չվերադարձվի պետությանը. Տարոն Չախոյանը՝ ՀԷՑ-ի մասին
ՀԷՑ-ի պետականացման դեմ պայքարի իմաստը մեկն է, որ պետք եղած ժամանակ լույսը անջատեն գլխներիս։ Այս մասին գրել է ՀՀ վարչապետի աշխատակազմի ղեկավարի տեղակալ Տարոն Չախոյանը:
«Այսօր ՀԷՑ-ի ազգայնացման դեմ քվեարկողները նույն մարդիկ են, ովքեր ժամանակին 12 մլն դոլարով խուրդեցին ՀԷՑ-ը։
Ռազմավարական կարևոր նշանակության օբյեկտը կոպեկների դիմաց հանձնողները այսօր պայքարում են, որ այն չվերադարձվի պետությանը»,- գրել է Չախոյանը։
Հիշեցնենք՝ ՀՀ Ազգային ժողովում քվեարկության առաջին ընթերցմամբ ընդունվել է ԱԺ «Քաղաքացիական պայմանագիր» խմբակցության ներկայացրած՝ ««Հանրային ծառայությունները կարգավորող մարմնի մասին» օրենքում լրացում կատարելու մասին» և ««Էներգետիկայի մասին» օրենքում լրացումներ և փոփոխություններ կատարելու մասին» օրենքների նախագծերի փաթեթն առաջին ընթերցմամբ ընդունելու մասին հարցը:
Կողմ է քվեարկել 65 պատգամավոր, դեմ՝ 30, ձեռնպահ՝ 0 պատգամավոր:
