Հաքան Ֆիդանը հայտարարել է, որ Թուրքիան պատրաստ է Ստամբուլում ընդունել Ռուսաստանի և Ուկրաինայի միջև խաղաղ բանակցությունների երրորդ փուլը։
Թուրքիայի ԱԳ նախարարը կարևորել է արդեն կայացած բանակցությունների շրջանակներում կողմերի ընդունած որոշումների իրականացումը:
«Մենք տեսնում ենք, որ ցանկություն կա՝ տեղափոխվելու երրորդ փուլ։ Ռուսական կողմը նույնպես նախնական հայտարարություն է արել այս հարցի վերաբերյալ: Մենք պատրաստ ենք ընդունել և պատրաստ ենք մեր միջնորդական դերը կատարել։ Մենք ուզում ենք նպաստել պատերազմի դադարեցմանը կամ ինչ-որ չափով թեթևացնել այդ պատերազմում տառապանքները, օրինակ՝ գերիների, աճյունների, վիրավորների և երեխաների փոխանակման միջոցով»,- ասել է Ֆիդանը։
