Եվրամիությունը պետք է արագ և պարզ առևտրային պայմանագիր կնքի Վաշինգտոնի հետ՝ հայտարարել է Գերմանիայի կանցլերը: Ֆրիդրիխ Մերցը Բրյուսելում ԵՄ առաջնորդների գագաթնաժողովի շրջանակում զրուցել է լրագրողների հետ, նշել՝ երկու շաբաթից էլ քիչ ժամանակ ունեն, ուստի հարկավոր է խուսափել բարդ համաձայնություններից։
Նա մտահոգություն է հայտնել, որ Գերմանիայի արդյունաբերական ոլորտն արդեն խնդիրների է բախվում բարձր մաքսատուրքերի պատճառով։
Ավելի վաղ հայտնի էր դարձել, որ Վաշինգտոնը առևտրային համաձայնագրի
նոր առաջարկ է ներկայացրել Եվրամիությանը: Եվրահանձնաժողովի նախագահը տեղեկացրել է, որ Բրյուսելն այժմ գնահատում է փաստաթուղթը՝ հետագա բանակցությունների համար:
«Պատրաստ ենք գործարքի։ Սակայն անհրաժեշտության դեպքում կպաշտպանենք եվրոպական շահերը»,- հավելել է Ուրսուլա ֆոն դեր Լայենը:
