ԱՄՆ-ի հարձակումները Իրանի դեմ խախտում են ՄԱԿ-ի կանոնադրությունը և միջազգային իրավունքը, հայտարարել է ՄԱԿ-ում Չինաստանի մշտական ներկայացուցիչ Ֆու Ցզունգը։
«Միացյալ Նահանգների գործողությունները լրջորեն խախտում են ՄԱԿ-ի կանոնադրության սկզբունքներն ու նպատակները և միջազգային իրավունքը, ինչպես նաև Իրանի ինքնիշխանությունը, անվտանգությունը ու տարածքային ամբողջականությունը»,- ասել է նա ՄԱԿ-ի Անվտանգության խորհրդի նիստի ժամանակ։
Չինացի դիվանագետը նշել է, որ Չինաստանը կոչ է անում անհապաղ հրադադար հաստատել ԱՄՆ-ի կողմից Իրանի միջուկային օբյեկտներին հարվածներից հետո։
