Իրանի Սպահանի, Ֆորդոյի և Նաթանզի միջուկային օբյեկտները ենթարկվել են օդային հարձակման, հաղորդում է իրանական Fars լրատվական գործակալությունը՝ վկայակոչելով Իրանի Իսլամական Հանրապետության իշխանություններին։
Ավելի վաղ ԱՄՆ նախագահ Դոնալդ Թրամփը հայտարարել էր Նաթանզում, Ֆորդոյում և Սպահանում գտնվող իրանական երեք միջուկային օբյեկտի դեմ ամերիկյան բանակի հաջող գործողության մասին։դեմ ադեմ ամերիկյան բանակի հաջող
ԱՄՆ նախագահը հայտարարել էր, որ ԱՄՆ-ի հարվածներից հետո Թեհրանը պետք է համաձայնի «ավարտել այս պատերազմը»։
«Մի քանի ժամ առաջ Իրանի կենտրոնական Ղոմ նահանգում ՀՕՊ համակարգերի ակտիվացումից և թշնամական թիրախների հայտնաբերումից հետո Ֆորդոյի միջուկային օբյեկտի մի մասը ենթարկվել է թշնամական ավիահարվածների», - ասվում է Fars-ի հաղորդագրության մեջ։
Գործակալությունը, հղում անելով Իրանի տեղական իշխանություններին, հայտնում է նաև, որ Սպահանի և Նաթանզի միջուկային օբյեկտները նույնպես ենթարկվել են օդային հարձակումների։
Գործակալությունը հավելում է, որ ՀՕՊ-ի ակտիվացումից հետո «լսվել են մի քանի պայթյուններ»։
Ավելի վաղ Իրանի՝ ընդունվող որոշումների նպատակահարմարության խորհրդի անդամ Մոհսեն Ռեզային հայտարարել էր, որ Իրանը իր բոլոր «հարստացված միջուկային նյութերը» տեղափոխել է անվտանգ վայր։
