Հրդեհ Վաղարշապատ քաղաքում․ դեպքի վայր է մեկնել չորս մարտական հաշվարկ

Հունիսի 12-ին՝ ժամը 23:44-ին, Արմավիրի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Վաղարշապատ քաղաքի Շահումյան փողոցում այրվում է շինություն։

Դեպքի վայր են մեկնել ՆԳՆ ՓԾ մարզային և Երևան քաղաքի փրկարարական վարչությունների հրշեջ-փրկարարական ջոկատներից չորս մարտական հաշվարկ:

Նախնական տվյալներով՝ այրվում են տան տանիքի փայտե կառուցատարրերը (մոտ 100 քմ)։ Հրդեհը մեկուսացվել է հունիսի 13-ին՝ ժամը 00։28-ին։