Կան ՀՀ սուվերեն տարածքներ, որոնք Ադրբեջանի կողմից են վերահսկվում՝ շուրջ 208 քառակուսի կիլոմետրի մասին է խոսքը, և մենք մի քանի անգամ ասել ենք, որ այս տարածքների՝ ՀՀ-ի վերահսկողությանը վերադարձի հարցը տեսնում ենք սահմանազատման գործընթացի շրջանակներում: Այդ մասին լրագրողներին ասաց ԱԳ նախարար Արարատ Միրզոյանը:
«Սահմանազատման գործընթացը, քննարկումները ընթացքի մեջ են: Այդպես չէ, որ պրոցեսը կանգնել է, մտել է փակուղի, չի ընթանում, չի լինելու. ընդհանրապես այդպես չէ: Այսօր էլ քննարկում է ընթանում հանձնաժողովների առնվազն ղեկավարների միջև, և հուսով եմ, որ որոշակի փոխըմբռնման հասնելուց հետո գետնի վրա այդ գործընթացը կշարունակվի»,- նշեց նախարարը:
