Կահիրեում կայացել է եռակողմ հանդիպում Իրանի արտաքին գործերի նախարար Աբբաս Արաղչիի, Ատոմային էներգիայի միջազգային գործակալության տնօրեն Ռաֆայել Գրոսիի և Եգիպտոսի արտաքին գործերի նախարար Բադր Աբդելատիի միջև։
Կողմերը քննարկել են խաղաղ ատոմի ոլորտում Իրանի և գործակալության փոխգործակցության և ընթացիկ համագործակցությանն առնչվող հարցեր:
Արաղչին նշել է, որ առանց ուրանի հարստացման իրավունքի նկատմամբ հարգանքի՝ որևէ համաձայնություն ձեռք չի բերվի: ԱՄՆ նախագահն էլ Truth Social-ի իր էջում գրել է, որ Իրանի հետ հնարավոր նոր գործարքով Միացյալ Նահանգները թույլ չի տա, որ Իրանը շարունակի ուրանի հարստացումը:
