Լեհական Vader դեթ մետալ խմբի համերգը կկայանա է նախատեսված օրը՝ հոկտեմբերի 4-ին, ժամը 20։00-ին Poligraf ակումբում:- հայտնել է համերգի կազմակերպիչ Zhesht Events-ն իր ֆեյսբուքյան էջում:
«Մենք ապշած ենք ամբողջ աշխարհից ստացված ջերմ խոսքերից։ Աջակցություն հայտնեցին նաև Poligraf-ի մեր ընկերները, ովքեր մեծահոգաբար առաջարկեցին իրենց ակումբը համերգի անցկացման համար»,- գրված է կազմակերպչի ֆեյսբուքյան էջում։
Ավելի վաղ Տիկնիկային թատրոնը չեղարկել էր լեհական Vader խմբի՝ հոկտեմբերի 4-ին կայանալիք համերգին բեմ տրամադրելու որոշումը։ Պատճառը՝ ամերիկաբնակ մի ֆբ-օգտատիրոջ դժգոհությունն էր առ այն, որ «սատանիստական Վադեր լեհական խումբը համերգ է տալու Երևանում, այն էլ ՝ Տիկնիկային Թատրոնում»: Ի պաշտպանություն Vader դեթի հանդես եկան հեղինակավոր երաժիշտներ՝ System Of A Down խմբի մենակատար Սերժ Թանկյանն ու հայտնի երաժիշտ, կոմպոզիտոր Տիգրան Համասյանը:
Vader-ը լեհական դեթ մետալ ժանրի վետերաններից է: Խումբը ստեղծվել է 1983 թվականին, վերցնելով «Աստղային պատերազմներ» ֆիլմի գլխավոր կերպարներից մեկի Vader անունը:
