Միացյալ Նահանգները դեմ չէ Իրանի միջուկային էներգիայի ծրագրին, բայց պնդում է, որ Թեհրանը ուրան չհարստացնի։ Այս մասին հայտարարել է ԱՄՆ փոխնախագահ Ջեյ Դի Վենսը։
«Նրանք կարող են ունենալ քաղաքացիական միջուկային էներգիա։ Մենք դեմ չենք դրան։ Այնուամենայնիվ, դուք չեք կարող ունենալ ուրանի հարստացման այնպիսի ծրագիր, որը թույլ է տալիս միջուկային մարտագլխիկ ստանալ»,- ասել է Վենսը:
Միաժամանակ ԱՄՆ փոխնախագահը դրական է գնահատել Իրանի հետ բանակցությունների արդյունքը: «Մենք շատ գոհ էինք իրանցիների արձագանքից մեր ներկայացրած որոշ թեզերին»,- ընդգծել է Վենսը։
