Ուկրաինայի կառավարությունը Գերագույն ռադա է ներկայացրել բնական պաշարների վերաբերյալ ԱՄՆ-ի հետ համաձայնագրի վավերացման մասին օրինագիծը։
Դրանից բացի ներկայացվել նաև համաձայնագրի տեքստը։ «Կառավարությունը հույս ունի ստանալ խորհրդարանականների աջակցությունն այս համաձայնագրի արագ վավերացմանը»,- իր Telegram ալիքում գրել է վարչապետ Դենիս Շմիհալը։
Ավելի վաղ խորհրդարանի անդամ Յարոսլավ Ժելեզնյակը հայտնել էր, որ վավերացման քվեարկությունը նախատեսվում է անցկացնել մայիսի 8-ին։
Ըստ համաձայնագրի՝ Կիևը նոր տարածքներում հանքանյութերի արդյունահանման նոր լիցենզիաներից և վարձակալություններից ստացված բոլոր եկամուտների 50%-ը կհատկացնի ստեղծվող երկկողմ ներդրումային հիմնադրամին։ ԱՄՆ-ն և Ուկրաինան հավասար ձայներ կունենան հիմնադրամի կառավարման գործում։ Համաձայնագիրը չի նախատեսում Ուկրաինայի ուղղակի պարտքային պարտավորություններ Միացյալ Նահանգների նկատմամբ։ Գործունեության առաջին 10 տարվա ընթացքում ֆոնդը շահաբաժիններ չի վճարելու և նրա ամբողջ եկամուտը վերաներդրվելու է Ուկրաինայում։ Ներդրումները կուղղվեն հանքանյութերի մշակմանն ու վերամշակմանը, ինչպես նաև ենթակառուցվածքների զարգացմանը։ Շմիհալի խոսքով՝ համաձայնագիրն անժամկետ է։
