ԱՄՆ պետքարտուղար Մարկո Ռուբիոն Վաշինգտոնում ընդունել է Իրաքի փոխվարչապետ և արտաքին գործերի նախարար Ֆուադ Հուսեյնին։
Պետքարտուղարության հաղորդագրության համաձայն՝ կողմերը քննարկել են տարածաշրջանային անվտանգության և կայունության համատեքստում Իրաքի ինքնիշխանության կարևորությունը։ Ռուբիոն բարձր է գնահատել տարածաշրջանում լարվածությունը թուլացնելու և կառուցողական երկխոսությանը նպաստելու ուղղությամբ Իրաքի գործադրած ջանքերը։
Անդրադարձ է եղել Միացյալ Նահանգների և Իրաքի միջև տնտեսական գործակցության զարգացման, առևտրի և ներդրումների ավելացման հեռանկարին։ Պետքարտուղարը հիշեցրել է, որ օրերս Բաղդադը հյուրընկալել է ԱՄՆ առևտրային առաքելությունը: Արդյունքում ամերիկյան ընկերությունների հետ միլիարդավոր դոլարների համաձայնագրեր են կնքվել։
