Թբիլիսիում Հայաստանի, Վրաստանի և Ադրբեջանի փոխարտգործնախարարների հանդիպմանը բացման խոսքով է հանդես եկել Վրաստանի արտգործնախարարը:
Մակա Բոճորիշվիլին նշել է, որ Հարավային Կովկասի զարգացումը ռազմավարական նշանակություն ունի Հայաստանի, Վրաստանի և Ադրբեջանի համար:
Նրա խոսքով՝ տարածաշրջանը հսկայական ներուժ ունի, որը երեք երկրները պետք է միասին իրացնեն: Բոճորիշվիլու կարծիքով՝ տարածաշրջանի վերաբերյալ տեսակետների փոխանակումը և եռակողմ համագործակցության հնարավորությունների ուսումնասիրությունը շատ կարևոր են:
Վրաստանի արտաքին գործերի փոխնախարար Լաշա Դարսալիան էլ նշել է, որ հանդիպման շրջանակում կքննարկվեն եռակողմ համագործակցության հնարավորությունները և այն ուղղությունները, որոնք կարող են հետաքրքիր լինել երեք երկրի համար:
