Հայաստանի և Ադրբեջանի միջև խաղաղության համաձայնագրի ստորագրումը բխում է տարածաշրջանի բոլոր երկրների շահերից՝ հայտարարել է Թուրքիայի խորհրդարանի ազգային պաշտպանության հանձնաժողովի նախագահը:
Հուլուսի Աքարի խոսքով՝ ներկայումս այդ հարցն օրակարգում է։
«Թուրքիան աջակցում է այդ ուղղությամբ ձեռնարկվող քայլերին»,- հավելել է նա։
Աքարը նաև համոզմունք է հայտնել, որ Ադրբեջանը և Թուրքիան պետք է շարունակեն ամրապնդել գործակցությունը պաշտպանության ոլորտում և համատեղ զորավարժություններ անցկացնեն։
Նա հավելել է՝ շարունակվում է միասնական բանակի ձևավորման գործընթացը:
