Հայաստանի 19 համայնքներում կիրակի օրը կայացած տեղական ինքնակառավարման մարմինների ընտրություններում, նախնական տվյալով, քաղաքացիների մասնակցությունը կազմել է 48,72 տոկոս:
Հիշեցնենք, որ ընտրություններ են անցկացվել Արագածոտնի, Արարատի, Արմավիրի, Գեղարքունիքի, Լոռու, Տավուշի և Շիրակի մարզերի 19 համայնքներում, որոնցից 13-ում՝ հերթական, իսկ 6-ում արտահերթ ընտրություններ էին: Համայնքներից 12-ում ընթացել է միայն համայնքի ղեկավարի, 6-ում` միայն ավագանու անդամի, և մեկ համայնքում միաժամանակ անց է կացվել համայնքի ղեկավարի և ավագանու անդամի ընտրություն:
