Մեղրի համայնքի Նռնաձոր բնակավայրի համար նոր ճանապարհ ենք կառուցում և մանկապարտեզ: Այս մասին Instagram-ի իր միկրոբլոգում տեղեկացրել է վարչապետ Նիկոլ Փաշինյանը՝ կից հրապարակելով նաև տեսանյութ:
Ավելի վաղ հայտնել էինք՝ Սյունիքում վարչապետը ծանոթացել է ճանապարհների, ոռոգման ու խմելու ջրի համակարգերի, դպրոցների կառուցման ընթացքին: Երկրի ղեկավարի հետ հանդիպումներում սյունեցիները ներկայացրել են իրենց մտահոգությունները տարբեր հարցերի շուրջ:
Ավելի ուշ վարչապետը Կապանում մասնակցել է նաև Շրջակա միջավայրի նախարարության Էկոպարեկային ծառայության Սյունիքի մարզային վարչության գործունեության մեկնարկի արարողությանը:
