Պենտագոնի ղեկավարը հայտնել է, որ Միացյալ Նահանգները և Պանաման համաձայնեցրել են շրջանակային պայմանագիրը, որի համաձայն ամերիկյան ռազմական և այլ նավերը կարող են արտահերթ և անվճար անցնել Պանամայի ջրանցքով։
Փիթ Հեգսեթի խոսքով՝ Վաշինգտոնն աշխատում է Պանամայի հետ՝ ապահովելու ջրանցքի անվտանգությունը և զսպելու տարածաշրջանում Չինաստանի ազդեցությունը։
Ավելի վաղ Դոնալդ Թրամփը հայտարարել էր, որ ԱՄՆ-ը մտադիր է վերականգնել Պանամայի ջրանցքի նկատմամբ վերահսկողությունը։ Նա մտահոգություն էր հայտնել, որ ամերիկյան նավերը չափազանց շատ են վճարում և նորմալ սպասարկում չեն ստանում: Պանամայի իշխանությունը կտրականապես դեմ է ջրանցքի վերահսկողությունն ԱՄՆ-ին զիջելու հեռանկարին:
