ԱՄՆ նախագահ Դոնալդ Թրամփը NBC News-ի հետ հարցազրույցում սպառնացել է «աննախադեպ ռմբակոծություններով», եթե ԱՄՆ-ը և Իրանը համաձայնության չգան միջուկային գործարքի հետ կապված հարցում։
«Եթե նրանք գործարքի չգնան, ռմբակոծություններ կլինեն: Դա կլինի այնպիսի ռմբակոծություն, ինչպիսին նրանք նախկինում չեն տեսել»,- ասել է նա:
Թրամփը միաժամանակ հավելել է, որ ԱՄՆ-ի և Իրանի պաշտոնյաները «բանակցում են»:
Ինչպես ավելի վաղ հայտնել ենք, Իրանը հրաժարվել է ուղղակիորեն բանակցել Միացյալ Նահանգների հետ իր միջուկային ծրագրի շուրջ, հայտարարել է երկրի նախագահ Մասուդ Փեզեշքիանը։
Սա Թեհրանի առաջին պաշտոնական պատասխանն է ԱՄՆ նախագահ Դոնալդ Թրամփի՝ երկրի գերագույն առաջնորդ Ալի Խամենեիին ուղղված նամակին։
Նախագահ Փեզեշքիանն ասել է, որ Իրանը հնարավոր է համարում Վաշինգտոնի հետ անուղղակի բանակցությունները։
