Թրամփը համաձայնել է Իրանի հետ նոր բանակցություններ սկսելու առաջարկին

ԱՄՆ նախագահ Դոնալդ Թրամփը հավանության է արժանացրել Իրանի հետ ատոմային գործարքի վերաբերյալ նոր համաձայնագիր կնքելու Մեծ Բրիտանիայի վարչապետ Բորիս Ջոնսոնի առաջարկը: Միացյալ Թագավորության Կառավարության ղեկավարը նշել է, որ առաջ ընթանալու և Իսլամական Հանրապետության հետ նոր համաձայնագիր կնքելու ժամանակն  է: Հիշեցնենք, որ Իրանի միջուկային հիմնախնդիրն ավելի էր սրվել  այն բանից հետո, երբ 2018 թվականի մայիսին ԱՄՆ-ը միակողմանի դուրս էր եկել համաձայնագրից ու Իրանի նավթամթերքի արտահանման ոլորտում տնտեսական Իրանի նկատմամբ պատժամիջոցներ կիրառել: