ՀՀ էկոնոմիկայի նախարարի տեղակալ Նարեկ Հովակիմյանը մարտի 13-ին ընդունել է Էստոնիայի ԱԳՆ պետքարտուղար Մարին Ռատնիկին և Արևելյան գործընկերության հատուկ բանագնաց Գերթ Անսունին։ Այս մասին հայտնում են ՀՀ էկոնոմիկայի նախարարությունից։
Քննարկվել են երկու երկրների միջև առևտրատնտեսական համագործակցությանը, արտահանման խթանմանը և առևտրի դիվերսիֆիկացմանը, որակի ենթակառուցվածքների զարգացմանը և արդիականացմանն առնչվող հարցեր։
Կարևորվել է ՀՀ-ԵՄ համապարփակ և ընդլայնված գործընկերության համաձայնագրի իրականացման գործընթացը և ԵՄ Արևելյան գործընկերության շրջանակներում ընթացող երկկողմ և բազմակողմ համագործակցությունը։
Հանդիպման ընթացքում Նարեկ Հովակիմյանը ներկայացրել է նաև «Խաղաղության խաչմերուկ» նախագիծը, որը կարող է դառնալ ինչպես տարածաշրջանային, այնպես էլ տնտեսական ավելի լայն համագործակցության կարևոր բաղկացուցիչ։
