Պաղեստինյան ՀԱՄԱՍ շարժումը հայտարարել է, որ սկսվել է Գազայի հատվածում կրակի դադարեցման շուրջ բանակցությունների նոր փուլը։ ՀԱՄԱՍ-ը հույս է հայտնել, որ դիվանագիտական գործընթացում առաջընթաց կլինի։ Համապատասխան հայտարարությամբ է հանդես եկել շարժման ներկայացուցիչ Աբդել Ռահման Շադիդը։
«Այսօր մեկնարկել է Գազայի հատվածում կրակի դադարեցման շուրջ բանակցությունների նոր փուլը, և ՀԱՄԱՍ-ը դրանց կվերաբերվի մեծ պատասխանատվությամբ։ Հուսով ենք, որ այս խորհրդակցությունները գործարքի երկրորդ փուլի մասին լիարժեք բանակցությունների մեկնարկի հարցում կհանգեցնեն նկատելի առաջընթացի»,- ասել է նա։
