Եգիպտոսի արտգործնախարարը հայտարարել է, որ առանց Պաղեստինյան Պետության ստեղծման, տարածաշրջանում անվտանգություն չի ապահովվի։ Նա նաև ասել է, որ Կահիրեն բանակցություններ է վարում ԱՄՆ-ի և Կատարի հետ՝ ապահովելու զինադադարի կայունությունը և սկսելու բանակցությունների երկրորդ փուլը։
Բադր Աբդելաթին հույս է հայտնել, որ Եվրամիության երկրները լրացուցիչ ջանքեր կգործադրեն Գազայում հրադադարը կայունացնելու և դրա երկարատև լինելը երաշխավորելու համար։
Նախարարն ընդգծել է Գազայի հատվածի վերականգնման անհրաժեշտությունն առանց պաղեստինցիներին տեղահանելու՝ հավելելով, որ «Պաղեստինի փախստականների հարցերով ՄԱԿ-ի գործակալությանը և նրա դերակատարությանը Գազայի հատվածում ու պաղեստինյան տարածքներում այլընտրանք չկա»։
