Լիտվայի արտաքին գործերի նախարար Կեստուտիս Բուդրիսը կազմակերպիչների սխալ հաշվարկ է համարել այն փաստը, որ բալթյան երկրները չեն հրավիրվել կիրակի Լոնդոնում կայանալիք գագաթնաժողովին, որտեղ քննարկվում էր Կիևին ռազմական օգնության շարունակականության հարցը։
«Դա սխալ էր: Մերձբալթյան երկրները, որոնք առաջին գծի պետություններն են և ուղղակիորեն սահմանակից են Ռուսաստանին, պետք է անպայման մասնակցեն նման քննարկումներին»,- ասել է Կեստուտիս Բուդրիսը LRT ազգային ռադիոյի եթերում:
Ուկրաինայի վերաբերյալ ցանկացած որոշում, ըստ Բուդրիսի, որոշակի ազդեցություն կունենա մերձբալթյան երկրների վրա։ «Մենք անմիջապես կզգանք դրանց հետևանքները»,- նշել է նախարարը։
Լիտվայի ԱԳՆ ղեկավարը կարծում է, որ Արևմուտքը չպետք է տարաձայնություններ ունենա Ուկրաինայում ստեղծված իրավիճակի քննարկման հարցում: Նա անթույլատրելի շքեղություն է համարել խնդրի համար մի քանի ձևաչափ ունենալն ու եվրոպական տարբեր մայրաքաղաքներում տարբեր կազմով հանդիպելը։ Դիվանագետի համոզմամբ՝ պետք է կենտրոնանալ մեկ ձևաչափի վրա:
Ավելի ուշ Մեծ Բրիտանիայի վարչապետ Քիր Սթարմերը ներողություն է խնդրել Բալթյան երկրներից՝ Լոնդոնում անվտանգության և պաշտպանության գագաթնաժողովին չհրավիրելու համար։
