Ռուս և ամերիկացի դիվանագետները փետրվարի 27-ին Ստամբուլում կհանդիպեն՝ քննարկելու երկու երկրի դեսպանատների աշխատանքին առնչվող խնդիրները, հայտարարել է ՌԴ ԱԳ նախարար Սերգեյ Լավրովը։
«Մենք հայտարարել ենք, որ մեր դիվանագետները, բարձր մակարդակի փորձագետները կհանդիպեն՝ քննարկելու համակարգային խնդիրները: Դրանք կուտակվել են ԱՄՆ-ի նախորդ վարչակազմի անօրինական գործունեության արդյունքում՝ արհեստական խոչընդոտներ ստեղծելու Ռուսաստանի դեսպանատան գործունեության համար: Բնականաբար, մենք դրան պատասխանել ենք և նույնպես անհարմար պայմաններ ստեղծելով Մոսկվայում ամերիկյան դեսպանատան աշխատանքի համար»,- նշել Է Լավրովը:
