Մյունխենում հանդիպել են Եվրոպական խորհրդի նախագահ Անտոնիու Կոշտան, Եվրոպական հանձնաժողովի ղեկավար Ուրսուլա ֆոն դեր Լայենը և Ուկրաինայի նախագահ Վոլոդիմիր Զելենսկին:
Հանդիպման վերաբերյալ եվրոպական կողմի հաղորդագրության մեջ ասվում է, որ Ֆոն դեր Լայենը և Կոշտան պարտավորվել են մշտական և կայուն աջակցություն ցուցաբերել Կիևին, քանի դեռ կողմերը չեն հասել արդար, համապարփակ և կայուն խաղաղության:
Նրանք ընդգծել են, որ միայն նման խաղաղությունը կհանգեցնի ինքնիշխան և բարգավաճ Ուկրաինայի և կդառնա այդ երկրի և Եվրոպայի անվտանգության երաշխիքը:
Եվրոպական կողմը պատրաստակամություն է հայտնել ապագայում ցանկացած բանակցությունից առաջ Ուկրաինային տրամադրել անվտանգության հուսալի երաշխիքներ։
Գործիչներն ընդգծել են պաշտպանական ծախսերն ավելացնելու, իրենց պաշտպանական ներուժն ամրապնդելու և ուկրաինական զինված ուժերն ամրապնդելու անհրաժեշտությունը:
Շեշտվել է Եվրամիությանն Ուկրաինայի անդամակցության գործընթացի արագացման ուղղությամբ աշխատանքներն ակտիվացնելու պատրաստակամությունը:
