ԱՄՆ փոխնախագահ Ջեյ Դի Վենսը հայտարարել է, որ Ռուսաստանն ու Չինաստանը Եվրոպայի համար գլխավոր սպառնալիքները չեն:
«Եվրոպայի համար ամենամեծ սպառնալիքը, որի համար ես անհանգստանում եմ, ո՛չ Չինաստանն է, ոչ էլ Ռուսաստանը։ Այդ սպառնալիքը Եվրոպայի ներսում է»,- հայտարարել է Վենսը Մյունխենի անվտանգության համաժողովում:
ԱՄՆ փոխնախագահի խոսքով՝ խնդիրն առկա է Ռումինիայում ընտրությունների չեղարկման տեսքով, նման սպառնալիք կա նաև Գերմանիայում: Վենսն ընդգծել է, որ ԱՄՆ նախագահ Դոնալդ Թրամփի վարչակազմը մտահոգված է Եվրոպայում անվտանգությամբ:
Նա նաև նշել է, որ Սպիտակ տանը համոզված են, որ Ուկրաինայում կարգավորման գործարքը հնարավոր է:
