Նախագահ Դոնալդ Թրամփի վարչակազմը դիտարկում է աշխարհում ԱՄՆ մի շարք հյուպատոսություններ փակելու հարցը՝ պետքարտուղարության ծախսերը կրճատելու նպատակով, հայտնում է NBC News-ը՝ վկայակոչելով իրազեկ աղբյուրներին։
Նրանք նշել են, որ փակման են ենթակա հյուպատոսությունները Եվրոպայում, Կանադայում, Մեքսիկայում և Խաղաղ օվկիանոսի կղզիներում: Հեռուստաալիքի զրուցակիցները ճշտել են, որ Եվրոպայում հյուպատոսությունների հիմնական մասը, որոնք կարող են փակման վտանգի տակ հայտնվել, գտնվում են Գերմանիայում ու Ֆրանսիայում:
Պետքարտուղարությունը հյուպատոսություններից տեղեկատվություն է խնդրել նրանց ընդհանուր գործունեության մասին:
Պաշտոնյաները հայտնել են, որ Թրամփը վերանայել է հյուպատոսությունների ցուցակը, սակայն վերջնական որոշում չի կայացվել: Որոշված չեն նաև հնարավոր փակման ժամկետները։
