Վերսկսվել է «Թուրքական հոսք» գազատարով ռուսական գազի մատակարարումը Սլովակիային՝ հայտնել է Ռոբերտ Ֆիցոն:
«Դա տեղի է ունենում ռուսական և թուրքական կողմերի ջանքերի շնորհիվ։ Նրանց դրա համար պետք է շնորհակալություն հայտնել»,- ասել է Սլովակիայի վարչապետը։
Նախկինում ռուսական գազը Սլովակիա էր հասնում Ուկրաինայի տարածքով անցնող գազատարով։ Սակայն հունվարի 1-ից Ուկրաինայի տարածքով գազի տարանցումը դադարեցվել է, քանի որ Կիևը չի երկարաձգել պայմանագիրը։ Այժմ ռուսական գազը Եվրոպա է հասնում Թուրքիայի տարածքով:
Ֆիցոն հայտարարել է, որ Բրատիսլավան կարող է դիտարկել Ուկրաինայի դեմ պատասխան քայլերի հնարավորությունը:
