ԱՄՆ նախագահ Դոնալդ Թրամփը կարգադրություն է ստորագրել Իրանի նկատմամբ առավելագույն ճնշում կիրառելու մասին, հաղորդում է Սպիտակ տունը։
«ԱՄՆ նախագահը երկու կարգադրություն է ստորագրել, առաջինը՝ Իրանի նկատմամբ առավելագույն ճնշումը վերականգնելու մասին»,- հայտնում են Սպիտակ տնից։
Միաժամանակ, Թրամփը հայտարարել է, թե հույս ունի Իրանի միջուկային ծրագրի հարցի կարգավորմանը հասնել բանակցությունների միջոցով։ Ըստ Ռոյթերսի` նա ԻԻՀ նախագահ Մասուդ Փեզեշքիանի հետ հանդիպելու ցանկություն է հայտնել։
Փաստաթուղթը նախատեսված է Իրանի նավթի արտահանմանը խոչընդոտելուն և այլ երկրների կողմից իրանական սև ոսկու գնումները նվազագույնի հասցնելուն։ Թրամփը վստահություն է հայտնել, թե Թեհրանը ցանկանում է միջուկային զենք ստանալ։
Իրանը բազմիցս հերքել է այդ պնդումը` վստահեցնելով, որ իր միջուկային ծրագիրն ուղղված է բացառապես խաղաղ նպատակներին։
