Բուդապեշտը պատրաստվում է Վաշինգտոնի հետ գործարք կնքել՝ Հունգարիայի և ԱՄՆ-ի միջև տնտեսական հարաբերությունները պահպանելու համար: Հունգարիայի վարչապետ Վիկտոր Օրբանի խոսքով՝ գործարքը կկնքվի Եվրամիությունից առանձին:
«Մենք միշտ գիտեինք, որ ԱՄՆ նախագահ Դոնալդ Թրամփը կվերադառնա, ուստի պատրաստվեցինք։ Մենք մշտապես բանակցություններ ենք վարում և լավ գործարք կկնքենք նոր վարչակազմի հետ»,- նշել է Օրբանը, հավելել՝ Բրյուսելը կստանա այն, «ինչին արժանի է»։
Հունգարիայի վարչապետը դժվար ամիսներ է կանխատեսել ԵՄ ղեկավարության համար։ Նրա խոսքով՝ Թրամփը «կպաշտպանի ամերիկյան շահերը նույնիսկ ընդդեմ Եվրոպայի»:
