Վրաստանը, Ադրբեջանը, Ռումինիան և Հունգարիան Բուխարեստում հիմնել են Green Energy Corridor Power Company էներգետիկ ձեռնարկությունը:
Վրաստանի էկոնոմիկայի և կայուն զարգացման նախարարությունից նշել են, որ ընկերությունը ստեղծվել է Սև ծովի ստորջրյա մալուխի նախագծի շրջանակում: Այն վերահսկելու է Սև ծովում ստորջրյա մալուխի՝ Վրաստանը և Ռումինիան միացնող 1155 կմ երկարությամբ 525 կՎ լարման էլեկտրահաղորդման գծի կառուցման նախագիծը:
Նախագիծը ներկայացվել է Եվրոպական հանձնաժողովին՝ ընդհանուր հետաքրքրություն ներկայացնող նախագիծ ճանաչելու համար:
