ԱՄՆ նախագահ Դոնալդ Թրամփի թիմը քննարկում է նախագահի արտահերթ ընտրություն անցկացնելու համար Կիևին խրախուսելու հարցը, որպեսզի հաղթողը ստանձնի ՌԴ հետ տևական խաղաղության հարցում համաձայնության գալու պատասխանատվությունը։ Այդ մասին հաղորդում է Reuters-ը՝ հղում անելով իր աղբյուրներին։
Համաձայն վերջինիս տեղեկությունների՝ Ուկրաինայի հարցով ԱՄՆ հատուկ բանագնացը և Սպիտակ տան այլ պաշտոնյաներ վերջին օրերին քննարկել են Ուկրաինային՝ ՌԴ հետ նախնական հաշտեցման շրջանակներում ընտրության նախապատրաստելու հարցը, ինչպես նաև Մոսկվայի ու Կիևի միջև տևական խաղաղության հաստատումից առաջ կրակի դադարեցման հնարավորությունը։
