Հունգարիայի վարչապետ Վիկտոր Օրբանը հայտարարել է, որ կարգելափակի Ռուսաստանի դեմ Եվրամիության պատժամիջոցները, եթե Բրյուսելը չօգնի վերականգնել Ուկրաինայի տարածքով ռուսական գազի տարանցումը: Նրա խոսքով՝ Կիևի այդ որոշումն անընդունելի է:
«Անընդունելի է, որ Ուկրաինան հրաժարվում է ռուսական գազն իր տարածքով տեղափոխել Կենտրոնական Եվրոպա՝ դրանով իսկ առաջացնելով գազի գնի բարձրացում, ինչն էլ իր հերթին հանգեցնում է ամեն ինչի, այդ թվում՝ վառելիքի գների բարձրացման։ Այդ պատճառով մենք այլ ելք չունենք, քան շատ լուրջ և հաստատակամ ասել՝ եթե նրանք չփոխեն դա, մենք կվերացնենք պատժամիջոցները»,- հայտարարել է Օրբանը։
Նա պահանջել է, որ Եվրահանձնաժողովն ապահովի պայմաններ, որոնք չեն վնասի Հունգարիայի քաղաքացիների շահերը և չեն հանգեցնի գների հետագա աճի:
