Ուկրաինայի արտաքին գործերի նախարարություն է կանչվել Կիևում Իրանի Իսլամական Հանրապետության գործերի ժամանակավոր հավատարմատար Շահրիար Ամուզեգարը։
Ուկրաինայի արտաքին քաղաքական գերատեսչությունից հայտնել են, որ ուկրաինական կողմը խոր մտահոգություն է հայտնել Իրանի կողմից Ռուսաստանին բալիստիկ հրթիռների հնարավոր փոխանցման կապակցությամբ:
«Իրանցի դիվանագետին փոխանցվել է Ուկրաինայի արտաքին գործերի նախարարության սեպտեմբերի 7-ի համապատասխան մեկնաբանությունը՝ խիստ նախազգուշացմամբ այն մասին, որ Իրանի կողմից Ռուսաստանին բալիստիկ զենքի մատակարարման փաստի հաստատումը կործանարար և անուղղելի հետևանքներ կունենա Ուկրաինա-Իրան երկկողմ հարաբերությունների համար»,- ասված է հաղորդագրության մեջ:
Ավելի վաղ Իրանը հերքել էր Ռուսաստանին հրթիռներ մատակարարելու տեղեկությունը։
