Գերմանիան դատապարտում է ծայրահեղական վերաբնակիչների բռնությունը, որով նրանք երեկ հարձակվել են Արևմտյան ափին գտնվող պաղեստինյան գյուղի վրա և հրկիզել այն, ինչի հետևանքով սպանվել է մեկ պաղեստինցի: Այդ մասին նշված է Գերմանիայի արտգործնախարարության հայտարարության մեջ։
«Այդ բռնությունն անընդունելի է, և հարձակումները պետք է անհապաղ դադարեն: Պաղեստինցիներն իրավունք ունեն ապրել անվտանգ։ Իսրայելը պարտավոր է Արևմտյան ափին պաշտպանել պաղեստինցիներին, դադարեցնել այդ հարձակումները և պատասխանատվության ենթարկել մեղավորներին: Նման բռնությունները չպետք է անպատիժ մնան»,- ասված է Գերմանիայի ԱԳՆ-ի X-ի միկրոբլոգում։
We condemn the violence of extremist settlers who attacked and set fires in a Palestinian village in the West Bank yesterday, one Palestinian was killed. This violence is unacceptable and the attacks must stop immediately. 1/2
— GermanForeignOffice (@GermanyDiplo) August 16, 2024
