Շվեդիան հույս ունի, որ Ադրբեջանը հավատարիմ կմնա իր միջազգային պարտավորություններին և կգործի միջազգային իրավունքին համապատասխան։ Այդ մասին նշված է Շվեդիայի արտգործնախարար Տոբիաս Բիլստրյոմի նամակում՝ ուղղված Շվեդիայի խորհրդարանի անդամ, Շվեդիա-Հայաստան բարեկամական խմբի անդամ Էրիկ Հելսբորնին։
Վերջինս ԱԳ նախարարին հարց էր ուղղել՝ Ադրբեջանում պահվող հայ ռազմագերիների հետ կապված. «Եթե ԱՄՆ-ը Բաքվի դեմ պատժամիջոցներ սահմանի, արդյո՞ք Շվեդիան կարող է նույն կերպ վարվել»։
«Կառավարությունը հետևում է Հաագայի միջազգային դատարանում ընթացիկ համապատասխան դատավարությանը: Հարգանքը մարդու իրավունքների նկատմամբ Շվեդիայի բոլոր միջազգային շփումների հիմքն է։ Կառավարությունն ակտիվորեն աշխատում է Ադրբեջանում մարդու իրավունքների խթանման և քաղաքացիական հասարակության ամրապնդման ուղղությամբ և ուշադիր հետևում է երկրում տեղի ունեցող զարգացումներին:
Կառավարությունն աջակցում է բարձր ներկայացուցիչ Բորելի՝ հունվարի 22-ի հայտարարությանը, որում նա նշել է, որ Հայաստանի տարածքային ամբողջականության խախտումներն անընդունելի են և լուրջ հետևանքներ կունենան ԵՄ-ի հետ Ադրբեջանի հարաբերությունների համար: Այս դեպքում չպետք է բացառել որևէ գործողություն, այդ թվում՝ պատժամիջոցները։
Տարածաշրջանում անվտանգության և կայունության ապահովման ամենակարևոր բաղադրիչը կայուն խաղաղության համաձայնագիրն է: Կառավարությունը ողջունում է Հայաստանի և Ադրբեջանի միջև 2023 թվականի դեկտեմբերի 7-ի և 2024 թվականի ապրիլի 19-ի համաձայնագրերը, որոնք, ի թիվս այլ հարցերի, ներառում էին ռազմագերիների փոխանակում և սահմանի առանձին հատվածների կանոնակարգում։ Շվեդիան իր գործընկերների հետ շարունակելու է աջակցել խաղաղ գործընթացին»,- ասված է արտգործնախարարի նամակում։
Հելսբորնն արտգործնախարարի պատասխան նամակը բնորոշել է «բավական անհստակ»։
Pretty vague. As usual.
— Erik Hellsborn (SD) (@EHellsborn) August 16, 2024
- - - -
Answer to question 2023/24:1035 by Erik Hellsborn (SD)
Armenian prisoners of war in Azerbaijan
Erik Hellsborn has asked me if, in the event that the USA decides on sanctions against Azerbaijan, might Sweden do the same.
The government assumes… pic.twitter.com/tZGfWrfT81
