Ադրբեջանի պաշտպանության նախարար Զաքիր Հասանովը Ղազախստանի պաշտպանության նախարար Ռուսլան Ժակսիլիկովի հրավերով մեկնել է այդ երկիր՝ հետևելու «Бірлестік-2024» (թարգմանաբար՝ «Միասնություն») զորավարժությունների ընթացքին:
Համատեղ օպերատիվ-մարտավարական հրամանատարաշտաբային զորավարժություններին մասնակցում են Ղազախստանի, Ադրբեջանի, Ուզբեկստանի, Ղրղզստանի և Տաջիկստանի զինված ուժերը։
«Бірлестік-2024» զորավարժություններն անցկացվում են «Օյմաշի» զորավարժարանում և Տոկմակ հրվանդանում՝ Կասպից ծովի ջրային տարածքում։
