Երիտասարդությունը եղել և մնում է հասարակության համար առանձնահատուկ արժեք. Շիրակի մարզպետը մասնակցել է «Արթիկի երիտասարդների տուն» կենտրոնի բացմանը

 

 

 

Շիրակի մարզպետ Մուշեղ Մուրադյանը ողջունել է ներկաներին, խոսել ծրագրի կարևորության մասին․ «Երիտասարդությունը բոլոր ժամանակներում եղել և մնում է հասարակության համար առանձնահատուկ արժեք, նրա հիմնական ներուժն ու առաջ շարժվելու գրավականը։ Ժամանակակից երիտասարդությունն առանձնանում է կյանքի նկատմամբ մեծ հետաքրքրությամբ ու նպատակասլացությամբ։ Կարևոր է, որ երիտասարդներն ունենան գիտելիքներ ձեռք բերելու, շփվելու, նոր գաղափարների շուրջ հաղորդակից լինելու հնարավորություն։ Վստահ եմ` Արթիկ համայնքում այս նորաբաց կենտրոնը 13-ից 18 տարեկան հարյուրավոր երիտասարդների կհամախմբի շուրջը և կդառնա կրթվելու, ազատ ժամանակը բովանդակային կազմակերպելու իրական վայր։ Կառավարությունն անում է հնարավորն օգնելու տարբեր հետաքրքրություններ ու կարողություններ ունեցող երիտասարդների։ Իրավասությունների շրջանակում ես և Շիրակի մարզպետի աշխատակազմը ևս պատրաստ ենք աջակցելու, սատար կանգնելու մեր երիտասարդներին և բոլոր կարևոր նախաձեռնությունների իրականացմանը մարզում»։

 

2023 թվականին Արթիկում երիտասարդների տուն ստեղծելու վերաբերյալ հուշագիր է ստորագրվել Արթիկ համայնքի ղեկավարի, ՅՈՒՆԻՍԵՖ-ի և Գյումրու «Երիտասարդական նախաձեռնությունների կենտրոնի» միջև։