Կարմիր խաչի միջազգային կոմիտեից հայտնել են, որ Գազայի հատվածում գնդակոծության հետևանքով վնասվել է կազմակերպության գրասենյակը, զոհվել է 22 մարդ, վիրավորվել՝ 45-ը. նրանք այդտեղ ապաստան էին ստացել:
«Խոշոր տրամաչափի արկերն ընկել են Կարմիր խաչի միջազգային կոմիտեի գրասենյակից և բնակելի տարածքներից մի քանի մետր հեռու»,- ասված է ԿԽՄԿ հայտարարության մեջ:
ԿԽՄԿ-ից նշել են, որ դա միակ միջադեպը չէ: Կոմիտեն դատապարտել է այդ միջադեպերըը, նշել՝ դրանք վտանգում են հումանիտար աշխատողների և քաղաքացիական անձանց կյանքը:
BBC-ի տվյալով՝ Իսրայելի պաշտպանության բանակի խոսնակը նշել է, որ նախնական հետաքննության համաձայն՝ «ոչ մի նշան չկա, որ բանակը հարվածել է այդ տարածքին»: Նրա խոսքով՝ հետաքննությունը շարունակվում է:
