Մեր գնահատմամբ խաղաղության պայմանագրի՝ այս պահին եղած տեքստը բավականին հասունացած է և կարելի է վերջին շտրիխները ճշգրտել, բերել վերջնական տեսքի՝ արդեն իսկ նախկինում երկկողմ հաստատված համաձայնեցումների հիման վրա և ստորագրել: Այդ մասին Ազգային ժողովի ճեպազրույցի ժամանակ ասաց ՀՀ վարչապետ Նիկոլ Փաշինյանը՝ պատասխանելով հարցին, թե ինչ փուլում է խաղաղության պայմանագրի կնքումը:
Հարցին՝ իսկ սկզբունքները համաձանեցվա՞ծ են, Փաշինյանը պատասխանեց, որ դրա մասին երկու տարուց ավելի է՝ խոսում են, որ Ադրբեջանի նախագահն ինքն է հայտարարել, որ պաշտոնական Բաքուն հավատարիմ է Պրահայի պայմանավորվածություններին և Ալմա Աթայի հռչակագրին: Կողմերը սզբունքներն արձանագրել են նաև բրյուսելյան հայտարարությամբ, Պարահայի հայտարարություններով, Սոչիի հայտարարությամբ:
«Ինչ վերաբերում է սահմանդրական փոփոխություններին, կարծում եմ՝ հարցը կապել, փորձել բերել բանակցությունների սեղան, դա խաղաղության գործընթացի տորպեդահարում է, և չեմ կարծում, որ այդտեղ կան նաև որոշակի միտումներ՝ միջամտություններ իրականացնելու Հայաստանի ներքին գործերին և նաև որոշակի դեզինֆորմացիայի վրա հիմնված պրոցեսներ հարուցելու ՀՀ-ում:
Մենք Սահմանադրության փոփոխության մասին խոսել ենք դեռևս 2018 թվականից հետո, 2019 թվականին, և մեր օրակարգը բացառապես կապված է ժողովրդավարական բարեփոխումների հետ, և մենք ասել ենք, որ Սահմանադրական փոփոխությունը բանակցության մաս լինել չի կարող լինել, որովհետև դա մեր ներքին և բացառապես ներքին օրակարգն է»,- ասաց Փաշինյանը:
