Երևանը պատրաստ է մարդկային և տեխնիկական ռեսուրսներով աջակցել ՏԿԵ նախարարությանը և մյուս պետական գերատեսչություններին. Տիգրան Ավինյան
Երևանի քաղաքապետ Տիգրան Ավինյանը գրառում է կատարել ֆեյսբուքի իր էջում։
«Ցավով հետևում եմ Լոռու մարզում առատ տեղումների հետևանքով ստեղծված իրավիճակին:
Կապ եմ հաստատել ՀՀ տարածքային կառավարման և ենթակառուցվածքների նախարար Գնել Սանոսյանի հետ և հայտնել, որ Երևանը պատրաստ է մարդկային և տեխնիկական ռեսուրսներով հնարավորինս աջակցել նախարարությանը և մյուս պետական գերատեսչություններին, ինչպես նաև դժվար պահին առավելագույն չափով ձեռք մեկնել մեր հայրենակիցներին»,- գրել է նա։
