Ադրբեջանի նախագահի օգնական Հիքմեթ Հաջիևը հայտարարել է, որ Բաքուն բավականին դրական է գնահատում երեկ Մոկվայում կայացած Ալիև-Պուտին հանդիպումը:
«Բանակցություններն անցել են ռազմավարական գործընկերության և դաշնակցային հարաբերությունների ոգով։ Օրակարգում են եղել երկկողմ գործակցության հարցեր՝ քաղաքականություն, տնտեսություն, առևտուր, ներդրումներ, հումանիտար և այլ հարցեր»,- մանրամասնել է պաշտոնյան։
Նրա խոսքով՝ Ռուսաստանի և Ադրբեջանի նախագահները կառավարությունների ներկայացուցիչներին հանձնարարել են անհրաժեշտ քայլեր ձեռնարկել՝ կյանքի կոչելու Հյուսիս-hարավ միջազգային տրանսպորտային միջանցքի նախագիծը:
Հաջիևը տեղեկացրել է, որ Վլադիմիր Պուտինը և Իլհամ Ալիևը քննարկել են նաև Հայաստանի և Ադրբեջանի միջև հնարավոր խաղաղության պայմանագրի շուրջ բանակցությունները։
«Ալիևը բարձր է գնահատել այդ գործում Ռուսաստանի դերն ու ջանքերը»,- հավելել է Ադրբեջանի նախագահի օգնականը:
