Եվրախորհրդարանը չի մասնակցի Ռուսաստանի նախագահի ընտրության մոնիթորինգին և չի մեկնաբանի դրանց արդյունքները, ասվում է Եվրախորհրդարանի մամուլի ծառայության տարածած հաղորդագրության մեջ։
«Եվրախորհրդարանը չի հետևի այդ ընտրության ընթացքին, համապատասխանաբար, չի մեկնաբանի ոչ բուն գործընթացը, ոչ արդյունքների հրապարակումը»,- ասվում է Եվրախորհրդարանի արտաքին հարաբերությունների հանձնաժողովի ղեկավար Դևիդ Մաքալիսթերի հրապարակած փաստաթղթում։
Հայտարարության համաձայն՝ Եվրախորհրդարանի առանձին պատգամավորների ցանկացած մեկնաբանություն կարող է արվել բացառապես իրենց անունից և չի արտացոլի Եվրախորհրդարանի դիրքորոշումը:
ՌԴ նախագահի ընտրության քվեարկությունը տևելու է երեք օր՝ մարտի 15-ին, 16-ին և 17-ին։
