Փետրվարի վերջին ԿԽՄԿ ներկայացուցիչները կրկին այցելել են ձերբակալված բոլոր հայերին, որոնց մասին Ադրբեջանի իշխանությունները տեղեկացրել են: Ձերբակալվածների հետ առանձնազրույցներ են ունեցել, և նրանց հնարավորություն է տրվել ընտանիքների մասին նորություններ ստանալ:
Մանդատի համաձայն, նման այցելությունների ժամանակ ԿԽՄԿ-ն գնահատում է ձերբակալվածների նկատմամբ վերաբերմունքն ու կալանքի պայմանները և օգնում է ապահովել, որ ձերբակալված անձինք կարողանան վերականգնել կամ կապ պահպանել իրենց ընտանիքների հետ:
ԿԽՄԿ-ի ընթացակարգերին համապատասխան, կազմակերպության այցելությունների հետ կապված դիտողություններն ու առաջարկությունները ներկայացվում են միայն ձերբակալություն իրականացնող կողմին։
