Հունահռոմեական ոճի ըմբշամարտի Հայաստանի հավաքականը երրորդն է թիմային հաշվարկում

Հունահռոմեական ոճի ըմբշամարտի Հայաստանի հավաքականը երրորդն է թիմային հաշվարկում: Այս մասին հայտնում են Հայաստանի ըմբշամարտի ֆեդերացիայից:

Բուխարեստում ընթացող Եվրոպայի առաջնության եզրափակչում Արթուր Ալեքսանյանը 6:3 հաշվով առավելության է հասել ռուսաստանցի Մագոմեդ Մուրտազալիևի նկատմամբ` դառնալով Եվրոպայի 7-ակի չեմպիոն:

Նախօրեին հունահռոմեական ոճի ըմբշամարտի Հայաստանի հավաքականի անդամ Մալխաս Ամոյանը կարիերայում երրորդ անգամ նվաճել էր Եվրոպայի չեմպիոնությունը՝ Բուխարեստում ընթացող առաջնության եզրափակչում 7:0 հաշվով վստահ առավելության հասնելով աշխարհի բրոնզե մեդալակիր, Եվրոպայի կրկնակի փոխչեմպիոն, թուրք Յունուս Բասարի նկատմամբ։